«Jyl ótken saıyn sharanyń tanymdylyǵy artyp keledi. Astana, Máskeý, Bishkek, Novosibir, Omby, Túmen, Chelıabi, Qaraǵandy, Kókshetaý, Qostanaı qalalarynan ótinish kóp tústi. Mundaǵy maqsat – jeti qazynynyń biriniń túrli tuqymdaryn kórsetý, eń áleýettilerin iriktep alý», deıdi Petropavl qalalyq «Barrı» ıtterdi ustaıtyn áýesqoılar klýbynyń tóraıymy Irına Podskrebkına.
Túmennen kelgen kınolog, hendler Elena Tıýnseva baıqaýǵa amerıkalyq akıta, stafford, ıkýttyq laıka, bıgel jáne basendjı tuqymdaryn alyp kelipti. Árqaısysy 200 myń teńgeden 1 mıllıon teńgege deıin baǵalanatyn kórinedi. Al «Batler» esimdi aǵylshyn býldogynyń ıesi Larısa Sýltanova ony 600 myń teńgege satyp alypty. Bıshon frıze tuqymyna jatatyn dekoratıvti ıtterdiń kerbez júris-turysy, ásirese, balalardyń keremet qyzyǵýshylyǵyn týdyrdy. Sondaı-aq, ırlandııalyq bóribasar, alabaı, tazy, haskı, chaý-chaý, taksa, labrodor sııaqty túrleri de ushyrasty.
Syrtqy kelbeti, erekshe turqy jaǵynan bir-birinen asatyn tórt aıaqty «dostarymyzdyń» arasynan jeńimpazdardy anyqtaý qazylar alqasyna ońaıǵa túsken joq.
О́mir ESQALI, «Egemen Qazaqstan»